“Fronte as nulas políticas de benestar animal do goberno do PP, nós queremos acondicionar espazos amplos e axeitados para que os cans poidan estar soltos. É importante ter un control sobre as colonias de gatos para evitar unha poboación descontrolada destes animais”, afirma Xurxo Couto, candidato do BNG de Arteixo
A formación nacionalista inclúe a iniciativa no seu programa de goberno, para que a veciñanza “poida relacionarse coa administración municipal de forma sinxela”, explica Xurxo Couto, candidato do BNG de Arteixo
Moitas destas mocións foron aprobadas por unanimidade “pero o goberno do PP decidiu metelas nun caixón en vez de facelas realidade, como ocorre coa Rede de Puntos seguros para mulleres maltratadas, a dinamización dos centros sociais ou a creación dun aparcamento para autocaravanas”, lamenta Xurxo Couto, candidato do BNG de Arteixo.
Merecemos un Arteixo participativo e transparente. Un goberno que non mire para outro lado nas cuestións medioambientais. Merecemos alternativas de transporte público eficaces e planificadas no conxunto da comarca. Merecemos políticas de apoio aos produtos de proximidade e ao comercio local. Merecemos máis servizos e menos cemento. Merecemos un Arteixo que defenda e recupere o seu patrimonio e a historia, que apoie á lingua e á cultura.
Xurxo Couto destacou que un dos obxectivos da súa candidatura é mobilizar e implicar á mocidade, porque son o motor deste concello
Arteixo, 23 de marzo de 2023.- O actual portavoz municipal e deputado de cultura da Deputación da Coruña agradeceu a confianza depositada e comprometeuse "a seguir traballando arreo para que o 28 de maio poidamos celebrar un cambio político en Arteixo porque cremos que Arteixo merece máis”
O candidato do BNG destacou o traballo que se fixo desde o grupo municipal neste mandato, traballo moi marcado pola pandemia e afirmou que "fixemos unha oposición tranquila e responsábel, achegando propostas para mellorarmos Arteixo e a vida da xente que vive aquí, e naturalmente para as persoas que veñen ao noso concello traballaren, pasearen etc. Demostramos que temos un proxecto para este concello, máis aberto, participativo, inclusivo, igualitario e diverso, a antítese do que ten o PP”
O BNG de Arteixo está a traballar na elaboración da candidatura que, segundo explicou Xurxo Couto “estará integrada por persoas solventes, honestas e comprometidas, que teñan claro que queren entregar o seu tempo para construír un concello mellor. As portas do BNG están abertas a persoas que reúnan estas características e a todas aquelas que queiran traballar por un Arteixo pensado para as persoas,, cun urbanismo inclusivo, democrático, equilibrado e seguro, onde os espazos públicos sexan de calidade, accesíbeis, onde haxa verdadeiros centros de sociabilización e de convivencia para todas e todos, xente que crea na recuperación patrimonial, ambiental e cultural mais tamén nos servizos públicos, xente que pense que merecemos un Arteixo ben xestionado" indicou.
Xurxo Couto Rodríguez (Ferrol, 1965). Licenciado en Historia, especialidade en Arqueoloxía, pola Universidade de Santiago de Compostela, traballou como docente en Formación Ocupacional de Mestre Canteiro. Como canteiro e arqueólogo, ten participado en proxectos de excavación, consolidación e limpeza do patrimonio.
Neste mandato Xurxo Couto partillou portavocía municipal coa responsabilidade de ser deputado provincial de Cultura.
Vinculado desde moi novo ao asociacionismo, entre as súas afeccións, ademais do patrimonio e a cultura en xeral, destacan o taekwondo deporte, o xadrez, a música e viaxar.
