O BNG preguntará en pleno pola desorganización da volta ao colexio en Arteixo

As aglomeracións no comezo do curso en Arteixo foron evidentes.
As aglomeracións no comezo do curso en Arteixo foron evidentes.
Tamén preguntará pola compra da pick-up para Protección Civil e rogará a convocatoria da Mesa para a reactivación da economía local.
O BNG preguntará en pleno pola desorganización da volta ao colexio en Arteixo

O BNG de Arteixo levará ao pleno ordinario de setembro preguntas sobre a desorganización da volta ao colexio, a adquisición da pick-up con outras características para a Protección Civil e rogará a convocatoria da mesa para a reactivación da economía local.

A volta ao colexio en Arteixo caracterizouse por unha gran desorganización e as medidas de seguridade que se trasladaron na xuntanza do 1 de setembro desde a área de seguridade do Concello non se cumpriron. Así, na zona da Ponte dos Brozos o caos foi importante: rúa cortada tarde, aglomeracións nas entradas, etc. A maiores de todas as incertezas da volta ás aulas, naquela xuntanza tamén se trataron outros aspectos que deberían ser resoltos como actividades extraescolares, comedores, madrugadores… cuestións que a que día de hoxe seguen sen resolución a día de hoxe.

Dada a situación, o BNG preguntará como é posible que na Avenida Arsenio Iglesias non se cortase a tempo a rúa. Tamén se preguntará sobre o sistema de horarios escalonados e por que non se cumpriu e quen foron as persoas encargadas de organizar fóra dos centros a volta ao colexio e se houbo reforzos eses días. Finalmente, o BNG quere saber con que reforzos de persoal se conta para facer a desinfección e se reclamaron á Xunta de Galicia que asuma o custo así como pediremos información sobre as labores de desinfección nos buses escolares.

Por outra parte, e con motivo da adquisición dun vehículo pick-up para Protección Civil que non cumpre as características dos pregos de contratación, o BNG preguntará como foi iso posible e se por parte da tesourería e intervención municipal se realizou algún pago dos previstos no contrato tendo en conta o anexo das cláusulas administrativas, que din que os pagamentos son mensuais.

Finalmente, o BNG rexistrou un rogo para que se convoque a mesa para a reactivación da economía local tal e como pedía o Centro Comercial Aberto de Arteixo. Así mesmo, o BNG quere saber se, tal e como argumentaba o CCA na súa nota de prensa, o goberno ten coñecemento da existencia de locais comerciais sen licencia.

O BNG preguntará en pleno pola desorganización da volta ao colexio en Arteixo