O BNG de Arteixo denuncia o estado abandono da contorna da rúa Francisca Herrera Garrido de Oseiro. O mal estado e falta de coidado dunha das zonas máis habitadas do municipio é total.

O BNG resalta a falta de madeira nos bancos, papeleiras oxidadas, así como as fontes, que son un perigo por se unha persoa se corta. Ademais, é evidente a falta de limpeza, o estado ruinoso dos asfaltados, desaugues cheos de area e tupidos así como tubos de augas e contadores á vista.

Os nacionalistas preguntarán no vindeiro pleno de marzo sobre esta situación que afecta á veciñanza de Oseiro.