O BNG de Arteixo advirte de que o parque de Freón, na parroquia arteixá de Monteagudo, está desatendido polo Concello de Arteixo.

No parque pódese observar falta de limpeza, polo que o BNG solicitará ao Concello que limpe as zonas de lecer deste espazo usado por crianzas e persoas maiores.

Ademais, como mellora no mesmo lugar, o BNG solicitará o arranxo do lavadoiro de Freón, inutilizado e abandonado como outros lavadoiros da contorna.